சென்னை: சென்னையில் ஆபரணத் தங்கம் விலை சவரனுக்கு ரூ.560 குறைந்து சவரன் ரூ.1,16,640க்கு விற்பனை செய்யப்படுகிறது. தங்கம் விலை கடந்த ஒரு வாரமாக குறைவதும், ஏறுவதுமாக இருந்து வருகிறது. வாரத்தின் இறுதி நாளான கடந்த சனிக்கிழமை தங்கம் விலை அதிரடியாக உயர்ந்தது. தங்கம் விலை கிராமுக்கு ரூ.170 உயர்ந்து ஒரு கிராம் ரூ.14,420க்கும், பவுனுக்கு ரூ.1,360 உயர்ந்து ஒரு பவுன் ரூ.1 லட்சத்து 15,360க்கும் விற்பனையானது.

இதே போல் வாரத்தின் தொடக்க நாளான நேற்று, தங்கம் விலை மீண்டும் எகிறியது. அதாவது, ஆபரணத் தங்கம் விலை சவரனுக்கு ரூ.1,840 உயர்ந்து ரூ.1,17,200க்கு விற்பனை செய்யப்படுகிறது. சென்னையில் ஆபரணத் தங்கம் விலை கிராமுக்கு ரூ.230 உயர்ந்து ஒரு கிராம் ரூ.14,650க்கும் விற்பனையானது. இந்த நிலையில் ஆபரணத்தங்கம் விலை சவரனுக்கு ரூ.560 குறைந்து சவரன் ரூ.1,16,640க்கு விற்பனை செய்யப்படுகிறது. அதே போல், ஆபரணத் தங்கம் விலை கிராமுக்கு ரூ.70 குறைந்து ரூ.14,580க்கு விற்பனையாகிறது.

வெள்ளி விலை நிலவரம்

தங்கத்தை போன்று வெள்ளி விலையும் கடந்த சனிக்கிழமை உயர்ந்தது. வெள்ளி விலை கிராமுக்கு ரூ.5 உயர்ந்து ஒரு கிராம் வெள்ளி ரூ.285க்கும், கிலோவுக்கு ரூ.5 ஆயிரம் உயர்ந்து, பார் வெள்ளி ரூ.2 லட்சத்து 85 ஆயிரத்துக்கும் விற்பனையானது. அதே போல் நேற்றைய தினமும் சில்லறை வர்த்தகத்தில் ஒரு கிராம் வெள்ளி விலை ரூ.15 உயர்ந்து ரூ.300க்கும் விற்பனையானது. இன்றைய நிலவரப்படி, சென்னையில் வெள்ளியில் விலை மாற்றமின்றி ஒரு கிராம் ரூ.300க்கும், ஒரு கிலோ வெள்ளி விலை ரூ.3,00,000க்கு விற்பனை செய்யப்படுகிறது.