மல்லசமுத்திரம், நவ. 29: திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின் மல்லசமுத்திரம் கிளையில், வாரந்தோறும் வெள்ளிக்கிழமை கொப்பரை ஏலம் நடைபெறுவது வழக்கம். நேற்று நடந்த ஏலத்துக்கு, விவசாயிகள் 5 மூட்டை கொப்பரையை கொண்டுவந்திருந்தனர். ஏலத்தில் முதல் தரம் கொப்பரை கிலோ ரூ.171.45 முதல் ரூ.196.00 வரையிலும், இரண்டாம் தரம் கொப்பரை கிலோ ரூ.120.50 முதல் ரூ.130.50 வரையிலும் ஏலம்போனது. ஒட்டு மொத்தமாக நேற்றைய ஏலத்தில் ரூ.11.585க்கு கொப்பரை விற்பனையானது. அடுத்த கொப்பரை ஏலம் 5ம்தேதி நடைபெறும் என அதிகாரிகள் தெரிவித்தனர்.