இளம்பிள்ளை, நவ.22: செவ்வாய்பேட்டை-இளம்பிள்ளை சாலையான சித்தர் கோயில் பஸ் நிறுத்த பகுதியில், இருபுறமும் ஆக்கிரமிப்பு அகற்ற சேலம் நெடுஞ்சாலைத்துறையினர் கடை மற்றும் வீடு உரிமையாளர்கள் 60 பேருக்கு நோட்டீஸ் கொடுத்துள்ளனர். இந்த நோட்டீஸ் கிடைத்ததும் 7 தினங்களுக்குள், தாங்களாகவே அகற்றிக் கொள்ளுமாறு அந்த கடிதத்தில் தெரிவிக்கப்பட்டிருந்தது. ஆனால் யாரும் ஆக்கிரமிப்புகளை அகற்றவில்லை. இந்நிலையில், நேற்று நெடுஞ்சாலைத்துறை உதவி கோட்ட பொறியாளர் சந்தோஷ்குமார், உதவி பொறியாளர் பிரதீப் மற்றும் பணியாளர்களுடன், பொக்லைனுடன் வந்தனர். அதற்கு முன்பாக ஆக்கிரமிப்பு செய்த கடை மற்றும் வீடு உரிமையாளர்கள் அவர்களாகவே தானாக முன்வந்து எடுத்து வந்தனர். சிலரது வீடுகள் இடித்து தரைமட்டமாக்கினர். மேலும், 2 நாள் அவகாசம் கேட்டுள்ளனர்.
The post ஆக்கிரமிப்பு வீடுகள் இடித்து அகற்றம் appeared first on Dinakaran.
