கெங்கவல்லி, நவ.21: கெங்கவல்லி அருகே நடுவலூரை சேர்ந்தவர் அங்குசாமி. நெல் அறுவடை வாகன டிரைவர். கடந்த பத்து நாட்களுக்கு மேலாக, தனது டூவீலரை எடுக்காமல் வீட்டில் நிறுத்தி வைத்திருந்தார். நேற்று வெளியூர் செல்வதற்காக மீண்டும் டூவீலரை எடுத்துள்ளார். அப்போது, சீட்டின் அடியில் பாம்பு ஒன்று இருப்பதை கண்டு அதிர்ச்சியடைந்தார். உடனடியாக இது குறித்து தீயணைப்புத்துறைக்கு தகவல் அளித்தார். இதன் பேரில் விரைந்து வந்த தீயணைப்பு துறையினர், சீட்டின் அடியில் பதுங்கி இருந்த 4 அடி நீள சாரைப்பாம்பை மீட்டு, வனப்பகுதியில் விட்டனர்.
The post டூவீலரில் புகுந்த சாரைப்பாம்பு மீட்பு appeared first on Dinakaran.
