நாசரேத், நவ. 15: நாசரேத் அருகே உள்ள ஞானராஜ் நகரை சேர்ந்தவர் மாரியப்பன் மனைவி லதா(47). இவரது மைத்துனர் முருகன் மனைவி ஜெயலட்சுமி(35). இவர்கள் இருவரும் நேற்று முன்தினம் மாலை இங்குள்ள தேரிக்காட்டு பகுதியில் பனை பழம் எடுக்கச் சென்றனர். ஆனால் வெகுநேரமாகியும் வீடு திரும்பவில்லை. இதுகுறித்து மாரியப்பன், நாசரேத் காவல் நிலையத்தில் புகார் அளித்தார். இன்ஸ்பெக்டர் ஜீன்குமார் வழக்கு பதிந்து விசாரித்தார். இந்நிலையில் லதா, ஜெயலட்சுமி ஆகியோர் நேற்று காலையில் வீடு திரும்பினர். தொடர்ந்து இருவரும் காவல் நிலையத்தில் ஆஜராகினர். அப்போது பனைப்பழம் எடுப்பதற்காக நீண்ட தூரம் சென்றதால் வழிமாறி சென்று விட்டோம். இதனால் அங்கேயே தங்கி விட்டு வீடு திரும்பியதாக தெரிவித்தனர்.
The post நாசரேத் அருகே மாயமான 2 பெண்கள் வீடு திரும்பினர் appeared first on Dinakaran.
