கர்நாடகா: கர்நாடக மாநிலம் சித்ரதுர்காவில் தனியார் பேருந்து தீப்பிடித்ததில் 17 பேர் உயிரிழந்தனர். சித்ரதுர்கா மாவட்டம் கோர்லத்து பகுதியில் லாரி-தனியார் பேருந்து நேருக்கு நேர் மோதி விபத்துகுள்ளானது. பேருந்து தீப்பிடித்ததில் காயமடைந்த பயணிகள் சிலர் சிகிச்சைக்காக மருத்துவமனையில் அனுமதிக்கப்பட்டுள்ளனர்.
சித்ரதுர்கா மாவட்டம் ஹிரியூர் தாலுகாவில் உள்ள கோர்லத்து கிராஸ் அருகே ஒரு பயங்கரமான சாலை விபத்து ஏற்பட்டது. தேசிய நெடுஞ்சாலையில் லாரி மீது மோதியதில் ஒரு ஸ்லீப்பர் கோச் பேருந்து தீப்பிடித்தது. இந்த சம்பவத்தில் 17க்கும் மேற்பட்ட பயணிகள் உயிருடன் எரிந்து உயிரிழந்தனர். மேலும் பலர் படுகாயமடைந்தனர். பலி எண்ணிக்கை அதிகரிக்க வாய்ப்புள்ளது. லாரி ஓட்டுநரின் அலட்சியமே விபத்துக்குக் காரணம் என்று கூறப்படுகிறது.
தேசிய நெடுஞ்சாலையில் வந்த லாரி, தடுப்புச் சுவரைத் தாண்டி, மறுபுறம் வந்த பேருந்து மீது மோதியது. மோதியதில், ஸ்லீப்பர் கோச் பேருந்து சாலையின் நடுவில் தீப்பிடித்தது. இந்த லாரி ஹிரியூரிலிருந்து பெங்களூருக்குச் சென்று கொண்டிருந்தது என்று கூறப்படுகிறது. பேருந்து பெங்களூருவிலிருந்து சிவமொக்காவுக்குச் சென்று கொண்டிருந்தது. எஸ்பி ரஞ்சித் தற்போது சம்பவ இடத்தைப் பார்வையிட்டு விசாரணை நடத்தி வருகிறார். சம்பவம் தொடர்பாக ஹிரியூர் கிராமப்புற காவல் நிலையத்தில் புகார் பதிவு செய்யப்பட்டுள்ளது.
இந்தப் பேருந்தில் 15 பெண்களும் 14 ஆண்களும் பயணம் செய்தனர். 32 இருக்கைகள் கொண்ட பேருந்தில் மொத்தம் 29 பயணிகள் பயணம் செய்ததாகக் கூறப்படுகிறது. கோகர்ணாவைச் சேர்ந்த 25 பேர், கும்டாவைச் சேர்ந்த இரண்டு பேர் மற்றும் சிவமொக்காவைச் சேர்ந்த இரண்டு பேர் பேருந்தில் பயணம் செய்ததாகக் கூறப்படுகிறது.
இந்த பேருந்தில் மஞ்சுநாத், சந்தியா, ஷஷாங்க், திலீப், பிரதீஸ்வரன், வி.பிந்து, கே.கவிதா, அனிருத் பானர்ஜி, அம்ரிதா, இஷா, சூரஜ், மானசா, மிலானா, ஹேம்ராஜ் குமார், கல்பனா பிரஜாபதி, எம்.சஷிகாந்த், விஜய் பண்டாரி, நவ்யா, கிரண்பால், எச்.கிரண்பால், அபிரிஷ், உள்ளிட்ட 29 பேர் பயணம் செய்ததாக கூறப்படுகிறது.
