ரொமாண்டிக் திரில்லர் படம் சிக்னல் அட் 11.30

சென்னை: அலர் ஸ்டுடியோஸ் சார்பில் மலர்விழி நடேசன், டாக்டர் ஷிவானி சுப்ரமணி இணைந்து தயாரித்துள்ள படம், ‘சிக்னல் அட் 11.30’. சந்தோஷ் பிரதாப், பவ்யா ட்ரிகா, பூஜிதா பொன்னாடா, ஜெயப்பிரகாஷ், முனீஷ்காந்த் நடித்துள்ளனர். இமான் இசை அமைக்க, ராஜா பட்டாச்சார்ஜி ஒளிப்பதிவு செய்துள்ளார். ஷெரீப் நடனப் பயிற்சி அளிக்க, ஆர்.கலைவாணன் எடிட்டிங் செய்துள்ளார்.

அடுத்த மாதம் திரைக்கு வரும் இப்படத்தை எழுதி இயக்கியுள்ள மலர்விழி நடேசன் கூறியதாவது: கதையின் மையப்புள்ளியே தலைப்பு. அதை படம் பார்த்து தெரிந்துகொள்ளுங்கள். ஒவ்வொரு நிமிடமும் முக்கியமானது. ஒவ்வொரு கேரக்டருக்கும் தனிப்பட்ட நோக்கம் இருக்கிறது.

காதல், சஸ்பென்ஸ், உணர்வுகள், எதிர்பாராத திருப்பங்கள் நிறைந்த ரொமாண்டிக் திரில்லராக, ரசிகர்களை ஈர்க்கும் வகையில் படம் உருவாகியுள்ளது. திரைக்கதை எழுதும்போதே சந்தோஷ் பிரதாப், பவ்யா ட்ரிகா, பூஜிதா பொன்னாடா ஆகியோரின் கேரக்டர்கள் முடிவாகிவிட்டது. நேர்மையுடனும், அர்ப்பணிப்புடனும் உருவாக்கியுள்ளோம். ஒவ்வொரு திருப்பத்தையும், உணர்வுகளையும், ஆச்சரியத்தையும் ரசிகர்கள் பெரிதும் ரசிப்பார்கள்.