ராம் சரண் படத்தை மறுத்த மிருணாள் தாகூர்

ஐதராபாத்: தெலுங்கில் விஜய் சேதுபதி, கிரித்தி ஷெட்டி நடித்த ‘உப்பெனா’ என்ற படத்தின் மூலம் கவனத்தை ஈர்த்தவர், புச்சி பாபு சனா. தற்போது அவரது இயக்கத்தில் ராம் சரண், சிவராஜ்குமார், ஜான்வி கபூர், ஜெகபதி பாபு நடித்த படம், ‘பெத்தி’. ஏ.ஆர்.ரஹ்மான் இசை அமைக்க, மைத்ரி மூவி மேக்கர்ஸ் தயாரித்துள்ளது. இந்த படம் திட்டமிட்டபடி வரும் 30ம் தேதி திரைக்கு வருமா என்பதில் சிக்கல் ஏற்பட்டுள்ளது. இதில் கிரிக்கெட் வீரர், மல்யுத்த வீரர் ஆகிய இரண்டு கேரக்டர்களில் ராம் சரண் நடித்துள்ளார்.

இந்நிலையில், ஒரு முக்கிய பாடல் காட்சியில் தமன்னா, பூஜா ஹெக்டே, மிருணாள் தாகூர், ஆயிஷா கான் இணைந்து நடனம் ஆடுவதாக தகவல் வெளியானது. தற்போது இளம் நடிகை ஒருவர் அவர்களுடன் நடனமாடுகிறார். காரணம், திடீரென்று மிருணாள் தாகூர் இப்படத்தில் நடனமாட விருப்பம் இல்லை என்று சொல்லிவிட்டாராம். அவருக்கு பதிலாக, ‘கப்பிள் பிரெண்ட்லி’ என்ற படத்தின் மூலம் இளம் ரசிகர், ரசிகைகளின் இதயத்தை கவர்ந்துள்ள மானசா வாரணாசி ஆடுகிறார்.