மும்பை: இந்திய திரையுலகின் முன்னணி நடிகைகளில் ஒருவரான ஷில்பா ஷெட்டி (49), தற்போது மும்பையில் நடந்து வரும் இந்தி படத்தின் சண்டைக் காட்சியில் நடித்தார். அப்போது ஏற்பட்ட தீ விபத்தில் சிக்கிய அவர் காயம் அடைந்தார். இதனால் படப்பிடிப்பு தளத்தில் பரபரப்பு ஏற்பட்டது. வலியால் துடித்த ஷில்பா ஷெட்டிக்கு உடனே முதலுதவி சிகிச்சை அளிக்கப் பட்டது.
எனினும், தனது காயத்தால் தயாரிப்பு செலவு அதிகரிப்பதை விரும்பாத அவர், அடுத்த 24 மணி நேரத்திற்குள் மீண்டும் படப்பிடிப்பு தளத்துக்கு திரும்பினார். இதுகுறித்து ஷில்பா ஷெட்டி கூறுகையில், ‘வேலை மீது கொண்ட அதிக ஈடுபாடும், கடமை உணர்வும்தான் என்னை மீண்டும் படப்பிடிப்புக்கு வரவழைத்தது. காயம் ஏற்பட்டாலும் பணிகளை தள்ளிப்போட விரும்பவில்லை’ என்றார். தற்போது அவர் உடல்நிலை தேறி வருவதாகவும், தொடர்ச்சியாக நடிப்பதாகவும் தகவல் வெளியாகியுள்ளது.
