சென்னை, நவ.10: ரஹ்மத் கிரியேஷன் சார்பில் தயாரித்து டிசம்பர் மாதம் இறுதியில் திரைக்கு வர இருக்கும் திரைப்படம் வாத்தியார்குப்பம். இந்த படத்தின் இயக்குனர் ரஹ்மத் சாகிப் அவர்களுடன் மீண்டும் இணைந்து ரஹ்மத் கிரியேஷன் தயாரிக்க உள்ள அடுத்த திரைப்படம் கடற்கரைப் பட்டினம். இத்திரைப்படத்தில் முக்கிய வில்லனாக செந்தில் முருகன் எனும் எஸ்.எம் நடிக்க உள்ளார்.
இந்த திரைப்படத்தில் இயக்குனர் ரஹ்மத் சாகிப் அவர்கள் இந்த படத்தின் கதை, திரைக்கதை,வசனங்களை எழுதி இயக்கவுள்ளார். ஜாஸ் ஜே.பி இசையமைக்க உள்ளார். படலாசிரியர்கள் நந்தா லெட்சுமண் மற்றும் ஏஆர். ராஜேஷ் பாடல்களை எழுதியுள்ளனர். நிக்க்ஷன் ஒளிப்பதிவு செய்ய இருக்கிறார். நடன இயக்குனராக ஸ்டெர்வின் பணியாற்றுகின்றார். மீனவர்களின் வாழ்வியல் பிரச்னைகளை மைய கருவாக வைத்து இந்த திரைப்படம் உருவாகவுள்ளது.
