கிங்ஸ்டன்: ஆஸ்திரேலிய கிரிக்கெட் அணி வெஸ்ட்இண்டீசில் சுற்றுப்பயணம் மேற்கொண்டு விளையாடி வருகிறது. இதில் முதலில் நடந்த டெஸ்ட் தொடரை 3-0 என ஆஸ்திரேலியா கைப்பற்றியது. அடுத்ததாக 5 டி.20 போட்டிகள் நடக்கிறது. இதில் முதல் டி.20 போட்டி கிங்ஸ்டனில் இன்று அதிகாலை தொடங்கி நடந்தது. டாஸ் வென்ற ஆஸ்திரேலியா பந்துவீச்சை தேர்வு செய்ய முதலில் பேட்செய்த வெஸ்ட்இண்டீஸ் 20 ஓவரில் 8 விக்கெட் இழப்பிற்கு 189 ரன் எடுத்தது. ரோஸ்டன் சேஸ் 32 பந்தில் 60, கேப்டன் ஷாய் ஹோப் 39 பந்தில் 55, ஹெட்மயர் 19 பந்தில் 38 ரன் அடித்தனர். ஆஸ்திரேலியா பவுலிங்கில் பென் த்வார்ஷுயிஸ் 4 விக்கெட் வீழ்த்தினார்.

இதையடுத்து 190 ரன் இலக்கை துரத்திய ஆஸ்திரேலிய அணியில் ஜேக் ஃப்ரேசர்-மெக்கர்க் 2 ரன்னில் வெளியேற மிட்செல் மார்ஷ் 24 ரன்னில் கேட்ச் ஆனார். ஜோஷ் இங்கிலிஸ் 8 பந்தில் 18 ரன் எடுத்து நடையை கட்டினார். மேக்ஸ்வெல் 10 ரன்னில் அவுட் ஆக கேமரூன் கிரீன் 26 பந்தில் 2 பவுண்டரி, 5 சிக்சருடன் 51 ரன்னும், அறிமுக வீரர் மிட்செல் ஓவன் 27 பந்தில் 6 சிக்சருடன் 50 ரன்னும் விளாசினர். 18.5 ஓவரில் 7 விக்கெட் இழப்பிற்கு 190 ரன் எடுத்த ஆஸ்திரேலியா 3 விக்கெட் வித்தியாசத்தில் வெற்றிபெற்றது. 50 ரன் மற்றும் ஒரு விக்கெட் வீழ்த்திய மிட்செல் ஓவன் ஆட்டநாயகன் விருதுபெற்றார். 2வதுபோட்டி நாளை மறுநாள் நடக்கிறது.

The post வெஸ்ட் இண்டீசுக்கு எதிரான முதல் டி.20 போட்டியில் ஆஸ்திரேலியா வெற்றி appeared first on Dinakaran.