சென்னை: தங்கம் விலை கடந்த மாதம் 14ம் தேதி ஒரு பவுன் ரூ.74,560க்கு விற்பனையாகி வரலாற்றில் புதிய உச்சத்தை பதிவு செய்தது. அதன் பின்னர் தங்கம் விலை தொடர்ந்து ஏற்றம், இறக்கத்துடன் காணப்பட்டு வருகிறது. இந்த நிலையில் வாரத்தின் தொடக்க நாளான நேற்று முன்தினம் தங்கம் விலை அதிரடியாக குறைந்தது. அன்றைய தினம் தங்கம் விலை கிராமுக்கு ரூ.50 குறைந்து ஒரு கிராம் ரூ.9,010க்கும் பவுனுக்கு ரூ.400 குறைந்து ஒரு பவுன் ரூ.72,080க்கும் விற்பனையானது.

இந்த விலை குறைவு ஒரு நாள் கூட நீடிக்கவில்லை. மறுநாளான நேற்று தங்கம் விலை இறங்கிய வேகத்தில் அதிகரித்தது. அதாவது, நேற்று தங்கம் விலை கிராமுக்கு ரூ.50 ரூபாய் உயர்ந்து ஒரு கிராம் ரூ.9,060க்கும், பவுனுக்கு ரூ.400 உயர்ந்து ஒரு பவுன் ரூ.72,480க்கும் விற்பனையானது. வெள்ளி விலையில் நேற்று மாற்றம் எதுவும் ஏற்படவில்லை.

The post தங்கம் பவுனுக்கு ரூ.400 உயர்வு appeared first on Dinakaran.