சேலம், ஏப்.2: ஈரோடு-செங்கோட்டை எக்ஸ்பிரஸ், வரும் 3, 5ம் தேதிகளில் கரூரில் இருந்து இயங்கும் என சேலம் ரயில்வே கோட்ட நிர்வாகம் அறிவித்துள்ளது. சேலம் ரயில்வே கோட்டத்திற்கு உட்பட்ட ஈரோடு ஸ்டேஷன் அருகேயுள்ள பசூர்-ஊஞ்சலூர் ரயில்வே ஸ்டேஷன்களுக்கு இடைப்பட்ட பகுதியில் தண்டவாள பராமரிப்பு பணி நடக்கிறது. இதனால், இம்மார்க்கத்தில் இயங்கும் சில ரயில்களின் இயக்கத்தில் மாற்றத்தை ஏற்படுத்தி, சேலம் ரயில்வே கோட்ட நிர்வாகம் அறிவித்துள்ளது.

இதன்படி, ஈரோடு-செங்கோட்டை எக்ஸ்பிரஸ் (16845) நாளை (3ம் தேதி), வரும் 5ம் தேதி, ஈரோட்டில் மதியம் 2 மணிக்கு புறப்படுவதற்கு பதிலாக கரூரில் பிற்பகல் 3.05 மணிக்கு புறப்படுகிறது. ஈரோடு-கரூர் இடையே ஒரு பகுதி ரத்து செய்யப்பட்டுள்ளது. மறுமார்க்கத்தில் செங்கோட்டை-ஈரோடு எக்ஸ்பிரஸ் (16846) 3, 5ம் தேதிகளில் செங்கோட்டையில் அதிகாலை 5.10 மணிக்கு புறப்பட்டு, கரூர் வரை மட்டும் இயக்கப்படுகிறது. கரூர்-ஈரோடு இடையே ஒரு பகுதி ரத்து செய்யப்பட்டுள்ளது.

இதேபோல், திருச்சி-ஈரோடு பாசஞ்சர் ரயில் (56809) 3, 5ம் தேதிகளில், திருச்சியில் காலை 7.20 மணிக்கு புறப்பட்டு, கரூர் வரை மட்டும் இயக்கப்படுகிறது. கரூர்-ஈரோடு இடையே ரத்து செய்யப்பட்டுள்ளது. இத்தகவலை சேலம் ரயில்வே கோட்ட நிர்வாகம் தெரிவித்துள்ளது.

The post ஈரோடு- செங்கோட்டை எக்ஸ்பிரஸ் 3, 5ம் தேதி கரூரில் இருந்து இயங்கும் appeared first on Dinakaran.