சென்னை: தங்கம் விலை மேலும் அதிகரித்து பவுன் ரூ.66,480க்கு விற்பனையாகி புதிய உச்சத்தை கண்டது. தங்கம் விலை இந்தாண்டின் தொடக்கத்தில் இருந்து உயர்ந்து வருகிறது. கடந்த 18ம் தேதி தங்கம் விலை பவுனுக்கு ரூ.320ம் உயர்ந்து, ஒரு பவுன் ரூ.66 ஆயிரத்துக்கு விற்பனையானது.

தொடர்ந்து 19ம் தேதி (நேற்று முன்தினம்) தங்கம் விலை பவுனுக்கு ரூ.320 உயர்ந்து, ஒரு பவுன் ரூ.66,320க்கும் விற்பனையாகி புதிய உச்சத்தை தொட்டது. இந்த நிலையில் நேற்றும் தங்கம் விலை மேலும் உயர்ந்தது. அதாவது, கிராமுக்கு ரூ.20 உயர்ந்து ஒரு கிராம் ரூ.8,310க்கும், பவுனுக்கு ரூ.160 உயர்ந்து ஒரு பவுன் ரூ.66,480க்கு விற்பனையாகி புதிய உச்சத்தை தொட்டது.

The post தங்கம் விலை தொடர்ந்து ஏறுமுகம் பவுன் ரூ.66,480க்கு விற்பனை appeared first on Dinakaran.