ஹமாஸை ஆதரித்ததால் விசா ரத்து அமெரிக்காவை விட்டு தானாக வெளியேறிய இந்திய மாணவி: புதிய வீடியோ காட்சிகள் வெளியீடு

நியூயார்க்: இந்தியாவை சேர்ந்தவர் ரஞ்சனி சீனிவாசன். இவர் அமெரிக்காவில் உள்ள கொலம்பியா பல்கலைகழகத்தில் நகர்ப்புற திட்டமிடல் துறை ஆராய்ச்சி படிப்பு படித்து வந்தார். கடந்த ஆண்டு காசாவில் இஸ்ரேல் தாக்குதல் நடத்திய போது கொலம்பியா பல்கலைகழகம் மாணவர்கள் போராட்டத்திற்கு முக்கிய மையமாக இருந்தது. இந்திய மாணவி ரஞ்சனி சீனிவாசன் ஹமாசுக்கு ஆதரவான போராட்டத்தில் தீவிரமாக பங்கேற்றார். ஹமாஸ் அமைப்பை தீவிரவாத அமைப்பு என்று அமெரிக்கா அறிவித்துள்ளது. அமெரிக்காவில் சட்ட விரோத குடியேறிகளை டிரம்ப் நிர்வாகம் அதிரடியாக நாடு கடத்தி வருகிறது. ரஞ்சனி சீனிவாசனின் விசாவை கடந்த 5ம் தேதி அமெரிக்கா ரத்து செய்துள்ளது.

விசா ரத்து செய்யப்பட்டதையடுத்து ரஞ்சனி சீனிவாசன் அமெரிக்காவில் இருந்து வெளியேற முடிவு செய்தார். அமெரிக்காவின் சுங்க மற்றும் எல்லை பாதுகாப்பு அமைப்பின் ஆப் மூலம் விண்ணப்பித்து அந்த நாட்டில் இருந்து தாமே வெளியேறி உள்ளார். இதுகுறித்து உள்நாட்டு பாதுகாப்பு அமைச்சர் கிறிஸ்டி நோயம் எக்ஸ் தளத்தில் பதிவிடுகையில்,’அமெரிக்காவில் படிக்க வாய்ப்பு கிடைப்பது ஒரு பாக்கியம். ஆனால் நீங்கள் வன்முறை மற்றும் பயங்கரவாதத்தை ஆதரிக்கும்போது அந்த சலுகை ரத்து செய்யப்பட வேண்டும். நீங்கள் இந்த நாட்டில் இருக்கக்கூடாது’ என்று குறிப்பிட்டுள்ளார். விமான நிலையத்திற்குள் ரஞ்சனி சீனிவாசன் நுழையும் வீடியோவையும் கிறிஸ்டி நோயம் பகிர்ந்துள்ளார்.

The post ஹமாஸை ஆதரித்ததால் விசா ரத்து அமெரிக்காவை விட்டு தானாக வெளியேறிய இந்திய மாணவி: புதிய வீடியோ காட்சிகள் வெளியீடு appeared first on Dinakaran.

Related Stories: