சென்னை: அண்ணா பிறந்தநாளை சிறப்பிக்கும் வகையில் மாணவர்களுக்கு மிதிவண்டி போட்டிகள் வரும் பிப்ரவரி 1ம் தேதி சென்னையில் நடைபெற உள்ளது. இதுகுறித்து சென்னை மாவட்ட கலெக்டர் ரஷ்மி சித்தார்த் ஜகடே ெவளியிட்ட அறிவிப்பு: பேரறிஞர் அண்ணா பிறந்தநாளை சிறப்பிக்கும் வகையில் அறிஞர் அண்ணா மிதிவண்டி போட்டிகள் ஜனவரி 9ல் நடத்தவிருந்த நிலையில், இந்த போட்டிகள் ஒத்திவைக்கப்பட்டு பிப்ரவரி மாதம் 1ம் தேதி காலை 5.30 மணியளவில் சென்னை சுவாமி சிவானந்தா சாலையில் உள்ள தூர்தர்ஷன் தொலைக்காட்சி நிலையம் அருகில் தொடங்கி நேப்பியர் பாலம், தீவுத்திடல், காயிதே மில்லத் பாலம் இடதுபுறம் அண்ணா சாலை வழியாக சென்று மீண்டும் சுவாமி சிவானந்தா சாலை தூர்தர்ஷன் தொலைக்காட்சி நிலையம்தொங்கிய இடத்திலேயே முடிக்க திட்டமிடப்பட்டுள்ளது. இப்போட்டிகள் 13 வயதிற்குட்பட்டவர்கள், 15 வயதிற்குட்பட்டவர்கள், 17 வயதிற்குட்பட்ட மாணவர் மாணவியர்கள் என 3 பிரிவுகளில் நடத்தப்படவுள்ளது. சென்னை மாவட்ட அளவில் நடத்தப்படும் இப்போட்டிகளில் பங்கேற்க இந்தியாவில் தயாரான மிதிவண்டிகள் மட்டும் உபயோகப்படுத்தப்பட வேண்டும். ஒவ்வொரு பிரிவிலும் முதல் இடம் பெறுபவர்களுக்கு ரூ.5000, இரண்டாம் இடம் பெறுபவர்களுக்கு ரூ.3000, மூன்றாம் இடம் பெறுபவர்களுக்கு ரூ.2000 மற்றும் 4 முதல் 10 இடங்களில் வருபவர்களுக்கு ரூ.250 பரிசும் தகுதிச் சான்றிதழ்களும் வழங்கி சிறப்பிக்கப்படும்.
இந்த போட்டிகளில் பங்கு பெறும் மாணவ மாணவியர்கள் தன் சொந்த சைக்கிள் மற்றும் தலைகவசத்துடன் கலந்து கொள்ள வேண்டும். போட்டியாளர்கள் அனைவரும் வயது சான்றிதழ் மற்றும் வங்கி கணக்கு புத்தகம் ஆகிய ஆவணங்களுடன், சென்னை-84, நேரு பூங்காவில் உள்ள மாவட்ட விளையாட்டு அரங்கத்தின் அலுவலகத்திற்கு வருகிற 30ம் தேதி வரை, காலை 6.30 மணிமுதல் மாலை 6 மணி வரை நேரில் சென்று முன்பதிவுகள் செய்துக் கொள்ளலாம். மேலும் பிப்ரவரி 1ம் தேதி காலை 5.30 மணியளவில் போட்டிகள் தொங்கும் இடத்தில் சென்னை மாவட்ட விளையாட்டு மற்றும் இளைஞர் நலன் அலுவலர் முன் நேரில் அறிக்கை செய்ய வேண்டும். முன்பதிவு செய்யாமல் நேரடியாக போட்டியில் கலந்துக்கொள்ள அனுமதி இல்லை. இது தொடர்பான இதர விவரங்களுக்கு மாவட்ட விளையாட்டு அலுவலகத்தில் நேரிலோ அல்லது 7401703480 என்ற செல்போன் எண்ணிலோ தொடர்பு கொள்ளலாம். இவ்வாறு அதில் கூறப்பட்டுள்ளது.
The post அண்ணா பிறந்தநாளை சிறப்பிக்கும் வகையில் மாணவர்களுக்கு மிதிவண்டி போட்டி: சென்னையில் பிப்ரவரி 1ல் நடக்கிறது appeared first on Dinakaran.
