ஊட்டி, ஜன.5: நீலகிரி மாவட்டம், ஊட்டியில் தற்போது குளு குளு காலநிலை நிலவி வரும் நிலையில், வார இறுதி நாட்களில் கேரள சுற்றுலா பயணிகள் ஊட்டிக்கு வருகை புரிகின்றனர். இந்நிலையில் நேற்று கேரள மாநிலம், கண்ணூரை சேர்ந்த 13 பேர் வேனில் ஊட்டிக்கு சுற்றுலா வந்தனர். வேனை தலைபரம்பா பகுதியை சேர்ந்த முகமது சமீர் என்பவர் ஓட்டினார். நேற்று காலை தலைக்குந்தா அருகே வந்தபோது எதிரில் சூரிய வெளிச்சம் கண்ணை கூசியதால் நிலை தடுமாறிய வேன் எதிரில் வந்த இருசக்கர வாகனம் மீது மோதி விபத்து ஏற்பட்டது. இந்த விபத்தில் ஊட்டியில் தங்கி கேஸ் அடுப்பு வியாபாரம் செய்து வரும் உத்திரபிரதேச மாநிலத்தை சேர்ந்த முனாதாஸ்கான் படுகாயம் அடைந்து சம்பவ இடத்திலேயே பரிதாபமாக உயிரிழந்தார். இதுகுறித்து தகவலின் பேரில் புதுமந்து இன்ஸ்பெக்டர் நித்யா தலைமையில் போலீசார் சம்பவ இடத்திற்கு சென்று உடலை மீட்டு பிரேத பரிசோதனைக்காக ஊட்டி அரசு மருத்துவக்கல்லூரி மருத்துவமனைக்கு அனுப்பி வைத்து, வழக்கு பதிந்து விசாரணை நடத்தி வருகின்றனர்.
The post பைக் – வேன் மோதி தொழிலாளி பலி appeared first on Dinakaran.
