ஈரோடு, ஜன. 4: ஈரோடு, கனி ராவுத்தர் குளம் பகுதியில் உள்ள டாஸ்மாக் கடை ஒன்றின் அருகில் உள்ள வீட்டில் சட்ட விரோதமாக மது விற்பனை நடைபெறுவதாக அப்பகுதி மக்கள் நேற்று முன்தினம் போலீசாருக்கு தகவல் தெரிவித்தனர்.
அதன்பேரில், ஈரோடு வடக்கு போலீசார் சம்பவ இடத்துக்கு சென்று விசாரித்தலில் குறிப்பிட்ட அந்த வீட்டில் அரசு மதுபாட்டில்களை சட்டவிரோதமாக விற்பனை செய்வதற்காக பதுக்கி வைத்திருந்தது தெரியவந்தது. இதையடுத்து போலீசார், இச்சம்பவத்தில் தொடர்புடைய ராமநாதபுரம் மாவட்டம், பலன்குளம் பகுதியை சேர்ந்த ரவிச்சந்திரன் (55), டி-உப்பூர் பகுதியை சேர்ந்த பாலமுருகன் ஆகிய இருவர் மீதும் வழக்கு பதிவு செய்து கைது செய்தனர்.
மேலும், அவர்கள் விற்பனை செய்வதற்காக பதுக்கி வைத்திருந்த ரூ.4,480 மதிப்பிலான 32 மது பாட்டில்களையும் பறிமுதல் செய்தனர்.
The post சட்ட விரோதமாக மது விற்ற இருவர் கைது appeared first on Dinakaran.
