சாத்தான்குளம், ஜன. 3: சாத்தான்குளம் கோயில்களில் அனுமன் ஜெயந்தி விழா கொண்டாடப்பட்டது. சாத்தான்குளம் தச்சமொழி இந்து நாடார் உறவின்முறைக்கு பாத்தியப்பட்ட பெருமாள் சுவாமி கோயிலில் அனுமன் ஜெயந்தியை முன்னிட்டு சிறப்பு பூஜைகள் நடந்தது. பெருமாள் சுவாமி உள்ளிட்ட பரிவார தெய்வங்களுக்கு சிறப்பு அபிஷேகம், அலங்கார தீபாராதனை நடைபெற்றது. தொடர்ந்து கோயில் வளாகத்தில் அமைந்துள்ள ஆஞ்சநேயருக்கு 108 வகையான சிறப்பு அபிஷேகம், அலங்கார தீபாராதனை நடந்தது. இதில் பக்தர்கள் திரளானோர் கலந்து கொண்டு தரிசனம் செய்தனர். தொடர்ந்து அனைவருக்கும் பிரசாதம் வழங்கப்பட்டது. இதேபோல் சாத்தான்குளம் தேவி அழகம்மன் கோயிலில் அனுமன் ஜெயந்தியையொட்டி சிறப்பு அபிஷேகம், அலங்கார தீபாராதனை நடந்தது. தொடர்ந்து கோயில் வளாகத்தில் உள்ள ஆஞ்சநேயருக்கு பல்வேறு வகையான அபிஷேகங்கள், அலங்கார தீபாராதனை உள்ளிட்ட பூஜைகள் நடைபெற்றது.
The post சாத்தான்குளம் கோயில்களில் அனுமன் ஜெயந்தி விழா appeared first on Dinakaran.
