திருமலை: போக்குவரத்து நிறைந்த சாலையில் குழந்தையின் உடம்பில் வெள்ளை பெயின்ட் அடித்து பிச்சை எடுக்க வைத்த சம்பவம் பரபரப்பை ஏற்படுத்தி உள்ளது. இதுதொடர்பாக வீடியோ வைரலாகி உள்ளது. ஆந்திர மாநிலம் கர்னூலில் உள்ள சாலை இரவு, பகல் என எப்போதும் வாகன போக்குவரத்துடன் பரபரப்பாக காணப்படும். இந்த சாலையோரம் சுமார் 2 வயதுள்ள குழந்தை உடல் முழுவதும் வெள்ளை பெயின்ட் பூசப்பட்டு மாறு வேடத்தில் தரையில் அமர்ந்தபடி பிச்சை எடுத்துக்கொண்டிருந்தது.
இதனை அவ்வழியாக சென்றவர்கள் பார்த்து கடும் அதிர்ச்சியடைந்தனர். ஒருசிலர் குழந்தையின் அருகே யாராவது உள்ளார்களா? என தேடிப்பார்த்தனர். ஆனால் யாரும் இல்லை. இதனால் அந்த குழந்தையை பெற்றோர் அழைத்து வந்து பிச்சை எடுக்க வைத்தார்களா? அல்லது கும்பல் யாராவது கடத்தி வந்து இந்த கொடூர செயலில் ஈடுபட்டார்களா? என்ற சந்தேகமடைந்த பொதுமக்கள் இதுதொடர்பாக போலீசார் விசாரணை நடத்தி நடவடிக்கை எடுக்கும்படி கோரிக்கை வைத்தனர்.
மேலும் சிலர் இதை வீடியோவாக பதிவு செய்து சமூக வலைதளங்களில் பதிவிட்டனர். இந்த வீடியோ வைரலாக பரவி வருகிறது.
The post குழந்தையின் உடம்பில் பெயின்ட் அடித்து பிச்சை எடுக்க வைத்த கும்பல்: வீடியோ வைரல் appeared first on Dinakaran.
