கோவை, நவ. 16: கோவை ராமநாதபுரம் திருச்சி ரோட்டில் அடுக்குமாடி குடியிருப்பு உள்ளது. இங்கு ஏராளமான வீடுகள் உள்ளன. 2 லிப்டுகள் அங்கு உள்ளது. சில நாட்களாக லிப்ட் வேலை செய்யவில்லை. இதனைத்தொடர்ந்து மெக்கானிக்கை அழைத்து வந்து பராமரிப்பு பணி மேற்கொள்ளப்பட்டது.

அப்போது அடுக்குமாடி குடியிருப்பில் உள்ள அறைக்கு லிப்ட்டுக்கு தேவையான பேட்டரி எடுக்க சென்றபோது பூட்டு உடைக்கப்பட்டு கிடந்தது. அங்கு வைக்கப்பட்டிருந்த 8 பேட்டரிகளை காணவில்லை. யாரோ மர்ம ஆசாமிகள் திருடிச்சென்று விட்டனர். இதன் மதிப்பு ரூ.20 ஆயிரம் ஆகும். இதுகுறித்த புகாரின்பேரில் ராமநாதபுரம் போலீசார் வழக்குப்பதிவு செய்து விசாரணை நடத்தி வருகின்றனர்.

The post அடுக்குமாடி குடியிருப்பில் பேட்டரிகள் திருட்டு appeared first on Dinakaran.