குன்றத்தூர்: குன்றத்தூரை சேர்ந்தவர் கோதண்டம் (99). திமுகவைச் சேர்ந்த இவர், ஸ்ரீபெரும்புதூர் சட்டமன்ற தொகுதியில் கடந்த 1989ம் ஆண்டு முதல் 1991ம் ஆண்டு வரையும், 1996ம் ஆண்டு முதல் 2001ம் ஆண்டு வரையும் 2 முறை திமுக எம்எல்ஏவாக பதவி வகித்து வந்தார். இந்த நிலையில், கடந்த சில தினங்களாக உடல் நலக்குறைவு காரணமாக அவதிப்பட்டு வந்தார். அவரை உறவினர்கள் சிகிச்சைக்காக சென்னையில் உள்ள தனியார் மருத்துவமனையில் சேர்த்தனர். நேற்று சிகிச்சை பலனின்றி உயிரிழந்தார். காலமான கோதண்டராமனின், மகன் தற்போது குன்றத்தூர் நகர மன்ற தலைவராக பதவி வகித்து வருவது குறிப்பிடத்தக்கது. அவரது உடலுக்கு இறுதி அஞ்சலி செலுத்துவதற்கான ஏற்பாடுகள் செய்யப்பட்டு வருகிறது.திமுகவின் முக்கிய தலைவர்கள் அஞ்சலி செலுத்த வரவுள்ளதாகவும் தகவல் வெளியாகி உள்ளது.
The post ஸ்ரீபெரும்புதூர் தொகுதி முன்னாள் எம்எல்ஏ காலமானார் appeared first on Dinakaran.
