நெல்லை,நவ.12: சுத்தமல்லியில் ரயில்வே பாலம் அருகே பதுக்கிவைத்து கஞ்சா விற்ற வாலிபரை போலீசார் கைது செய்தனர். நெல்லை பேட்டை அடுத்த சுத்தமல்லி எஸ்ஐ கணேஷ்குமார் மற்றும் போலீசார் தீவிர ரோந்து பணியில் ஈடுபட்டனர். அப்போது சுத்தமல்லி ரயில்வே பாலம் அருகே சந்தேகப்படும் வகையில் நின்றிருந்த வாலிபர் ஒருவரை பிடித்து விசாரணை நடத்தினர். இதில் அவர் வஉசி நகரை சேர்ந்த மகேஷ்(22) என்பதும், கஞ்சாவை பதுக்கிவைத்து விற்று வந்ததும் தெரியவந்தது. தொடர்ந்து அவரிடம் மேற்கொண்ட சோதனையில் அவர் 56 கிராம் கஞ்சாவை பதுக்கிவைத்திருந்தது அம்பலமானது. இதையடுத்து இதுகுறித்து வழக்குப்பதிவு செய்த போலீசார், மகேசை கைதுசெய்தனர். மேலும் அவர் பதுக்கிவைத்திருந்த 56 கிராம் கஞ்சாவையும் பறிமுதல் செய்தனர்.

The post ரயில்வே பாலம் அருகே பதுக்கிவைத்து கஞ்சா விற்ற வாலிபர் கைது appeared first on Dinakaran.