அகில இந்திய அளவிலான கராத்தே போட்டி கும்பகோணம் மாணவர்கள் பதக்கம் வென்று சாதனை

கும்பகோணம், ஆக.1: கர்நாடக மாநிலம் மைசூரில் உள்ள ஸ்ரீசாமுண்டி விஹார் உள்ளரங்க விளையாட்டு அரங்கத்தில் கடந்த ஜூலை 25 மற்றும் 26ம் தேதிகளில் அகில இந்திய ஷிட்டோ ரியு கராத்தே யூனியன் (AISKU), 29வது அகில இந்திய ஷிட்டோ ரியு கராத்தே-டூ சாம்பியன்ஷிப்-2026 மற்றும் ஜப்பானின் யோகோ ஹாமாவில் நடைபெறவுள்ள 11வது ‘ஷிட்டோ ரியு கராத்தே டூ’ சர்வதேச சாம்பியன்ஷிப் மாணவ, மாணவியர் போட்டிக்கான தேர்வு நடைபெற்றது.

இதில் கும்பகோணத்தை சேர்ந்த Kenzen Shito-ryu Karate Do India தலைமை பயிற்சியாளர் கியோஷி விஜயகாந்தின் மாணவர்கள் 14 பேர் இப்போட்டிகளில் பங்கேற்று 9 தங்கப் பதக்கங்கள், 2 வெள்ளிப் பதக்கங்கள், 3 வெண்கல பதக்கங்களை கைப்பற்றி கும்பகோணத்திற்கு பெருமை சேர்த்துள்ளனர். இப்போட்டியில் வெற்றிபெற்ற கராத்தே மாணவர்களை சென்சாய்கள் சரளா, கபிலேஷ், ஷியாம் மற்றும் பெற்றோர்கள் பாராட்டி வாழ்த்து தெரிவித்தனர்.