சென்னை: மாணவர்களின் மன உறுதியை காக்க ‘நட்புடன் உங்களோடு’ திட்டத்தில் மனநல ஆலோசனை பெறலாம் என்றும் அதற்காக தமிழக அரசு கட்டணமில்லா தொலைபேசி எண் 14416, 104 அறிவித்துள்ளது. தமிழ்நாடு மருத்துவம் மற்றும் மக்கள் நல்வாழ்வுத்துறை அரசு செயலாளர் தாரேஸ் அகமது நேற்று வெளியிட்டுள்ள அறிக்கையில் கூறியிருப்பதாவது: 2026-27ம் கல்வியாண்டின் நீட்தேர்வு முடிவுகள் நேற்று முன்தினம் வெளியாகி உள்ளது. மாணவர்களின் மன உறுதி மற்றும் மனநலம் காக்கும் வகையில் தமிழ்நாடு அரசின் \\”நட்புடன் உங்களோடு\\” திட்டம் மூலம் தொலைபேசி வழியாக மனநல ஆலோசனைகள் தொடர்ந்து வழங்கப்பட்டு வருகிறது.

எனவே, மாணவர்கள் மற்றும் பெற்றோர்கள் மனநல ஆலோசனைகள் பெறுவதற்கு தயங்காமல் 14416 அல்லது 104 ஆகிய தொலைபேசி எண்களில் தொடர்பு கொள்ள கேட்டுக் கொள்ளப்படுகிறார்கள். இச்சேவை மனநல மருத்துவர்கள் மற்றும் மனநல ஆலோசகர்கள் மூலம் வழங்கப்பட்டு வருகிறது. இவ்வாறு அவர் கூறியுள்ளார்.