சென்னை: தமிழ்நாடு காங்கிரஸ் செயற்குழு கூட்டம் சென்னை சத்தியமூர்த்தி பவனில் நேற்று நடந்தது.இதில்காவிரி டெல்டா விவசாயிகளின் உரிமைகளை பாதுகாக்கும் வகையில் கர்நாடக அரசு மேகதாதுவில் அணை கட்டுகிற முயற்சிகளை தமிழ்நாடு காங்கிரஸ் கடுமையாக எதிர்த்து குரல் கொடுக்கும், போராடும் உள்ளிட்ட தீர்மானங்கள் நிறைவேற்றப்பட்டன உள்பட 7 தீர்மானங்கள் நிறைவேற்றப்பட்டன.

கூட்டத்தில், ப.சிதம்பரம், மற்றும் நிவேதித் ஆல்வா, டாக்டர் செல்லக்குமார், தங்கபாலு, திருநாவுக்கரசர், செல்வப்பெருந்தகை, விஜய் வசந்த் எம்.பி, டி.ஏ.நவீன், எம்.பி.ரஞ்சன் குமார், மாநில துணை தலைவர்கள் கோபண்ணா, சொர்ணா சேதுராமன், மாநில பொதுச் செயலாளர் சிரஞ்சீவி, எம்.எஸ்.திரவியம் உள்ளிட்ட பலர் உள்ளனர்.

* ராகுல் தமிழகம் வருகை?
புதிதாக நியமிக்கப்பட்ட காங்கிரஸ் மாவட்ட தலைவர்களுக்கு வருகிற 22ம் தேதி முதல் 31ம் தேதி வரை சென்னையை அடுத்த மாமல்லபுரத்தில் உள்ள தமிழ்நாடு அரசு சுற்றுலா வளர்ச்சி கழக கடற்கரை விடுதியில் 10 நாட்கள் பயிற்சி முகாம் நடைபெறுகிறது. பயிற்சி முகாமில் ஏதாவது ஒரு நாள் கட்சியின் மூத்த தலைவர் ராகுல் காந்தி கலந்து கொண்டு பல்வேறு ஆலோசனைகளை வழங்க உள்ளார்.

ராகுல்காந்தி சென்னை வரும் போது, தவெக தலைவர் முதல்வர் விஜய் மற்றும் ராகுல் இணைந்து ஒரே மேடையில் கலந்து கொள்ளும் விதமாக நிகழ்ச்சி நடத்த தமிழக காங்கிரஸ் முடிவு செய்துள்ளது. இதற்காக முதல்வர் விஜய்யிடம் நேரம் கேட்டுள்ளதாக தகவல் வெளியாகி உள்ளது.