- சாட்டி பேருந்து நிலையம்
- அவதி சத்யமங்கலம்
- சத்யமங்கலம் பேருந்து நிலையம்
- ஈரோடு
- கோவா
- திருப்பூர்
- சத்யமங்கலம்
*பயணிகள் அவதி
சத்தியமங்கலம் : சத்தியமங்கலம் பஸ் நிலையத்திலிருந்து ஈரோடு, கோவை, திருப்பூர் உள்ளிட்ட பல்வேறு நகரங்களுக்கு அரசு மற்றும் தனியார் பஸ்கள் இயக்கப்படுகிறது. குறிப்பாக சத்தியமங்கலத்தில் இருந்து கோவைக்கு தினசரி கல்லூரி மாணவர்கள், வேலைக்கு செல்வோர் அதிக அளவில் பஸ்ஸில் பயணிக்கின்றனர்.
கோவை நகர் பகுதியில் சத்தியமங்கலம் சாலையில் பீக் ஹவர்ஸ் என கூறப்படும் காலை மற்றும் மாலை நேரங்களில் போக்குவரத்து நெரிசல் ஏற்படுவதால் சத்தியமங்கலத்தில் இருந்து கோவைக்கு இயக்கப்படும் பஸ்கள் குறித்த நேரத்திற்கு சென்று சேர முடியாததால் அடிக்கடி டைமிங் தகராறு ஏற்படுவது வாடிக்கையாக உள்ளது.
இதற்கிடையே நேற்று சத்தியமங்கலம் பஸ் நிலையத்தில் கோவைக்குச் செல்லும் இரண்டு தனியார் பஸ்கள் டைமிங் தகராறால் மற்ற பேருந்துகள் செல்ல முடியாமல் இருக்கும் வகையில் நேருக்கு நேர் நிறுத்தியபடி இரு பஸ்களின் டிரைவர்கள் மற்றும் கண்டக்டர்கள் வாக்குவாதத்தில் ஈடுபட்டதால் போக்குவரத்து பாதிக்கப்பட்டது. இதனால் சத்தியமங்கலத்தில் இருந்து கோவை செல்லும் பயணிகள் அவதிக்கு ஆளாகினர்.
தகவல் அறிந்து சம்பவ இடத்திற்கு சென்ற போலீசார் தகராறு ஈடுபட்டவர்களை சமாதானப்படுத்தினர். இதைத்தொடர்ந்து, தனியார் பஸ் புறப்பட்டு சென்றது. சத்தியமங்கலம் பஸ் நிலையத்தில் அடிக்கடி டைமிங் தகராறில் பயணிகள் பாதிக்கப்படுவதாக வேதனை தெரிவித்துள்ளனர்.
