*சமூக வலைதளங்களில் வீடியோ வைரல்

தர்மபுரி : தர்மபுரி அருகே, முதல்வர் பிறந்தநாள் கொடியேற்று விழாவில், குடிபோதையில் அரிவாளை சுழற்றிக் கொண்டு நடுரோட்டில் வாலிபர் ஒருவர் குத்தாட்டம் போடும் காட்சிகள் சமூக வலைதளங்களில் வைரலாகி வருகிறது.தர்மபுரி மதிகோண்பாளையத்தில் முதல்வர் விஜய் பிறந்தநாள் விழாவையொட்டி, கொடியேற்றும் நிகழ்ச்சி நடந்தது. இதற்காக மேளதாளங்கள் ஏற்பாடு செய்யப்பட்டிருந்தது.

விழாவில், தவெகவினர் கட்சி கொடியேற்றி பொதுமக்களுக்கு இனிப்புகளை வழங்கினர். அப்போது, அந்த இடத்தில் குடிபோதையில் வந்த வாலிபர் ஒருவர், பொதுமக்களுக்கு இடையூறாக சாலையின் நடுவில் நின்று, கையில் அரிவாளை சுழற்றிக் கொண்டு நடனமாடிக் கொண்டிருந்தார்.

இந்த வீடியோ சமூக வலைதளங்களில் தற்போது வைரலாக பரவி வருகிறது. குடிபோதையில் பொதுமக்களை அச்சுறுத்தும் விதமாக வாலிபர் அரிவாளுடன் நடனமாடிய சம்பவம் அதிர்ச்சியை ஏற்படுத்தியுள்ளது.