சென்னை: சென்னை, மேற்கு தொடர்ச்சிமலை மற்றும் டெல்டா மாவட்டங்களில் இன்று மிதமான மழைக்கு வாய்ப்புள்ளது என வானிலை ஆய்வு மையம் தெரிவித்துள்ளது. சென்னையில் நேற்று மதியம் பெரும்பாலான பகுதிகளில் மிதமான மழைப் பொழிவு இருந்தது. அதனால் வெப்பம் சற்றுக் குறைந்து குளுமையான சூழல் நிலவியது. சென்னை மற்றும் புறநகர் பகுதிகளில் இன்று வானம் பொதுவாக மேகமூட்டத்துடன் காணப்படும். நகரின் ஓரிரு பகுதிகளில் இடி மின்னலுடன் கூடிய லேசான, மிதமான மழை பெய்ய வாய்ப்புள்ளது.