சென்னை: தங்கம், வெள்ளி விலை கடந்த சில மாதங்களாக ஏற்ற, இறக்கத்துடன் காணப்பட்டு வருகிறது. நேற்று முன்தினம் ஞாயிற்றுக்கிழமை தங்கம் மார்க்கெட்டுக்கு விடுமுறை. இதனால், தங்கம் விலையில் எந்தவித மாற்றமும் ஏற்படவில்லை. விடுமுறைக்கு பிறகு நேற்று தங்கம் மார்க்கெட் தொடங்கியது. வார தொடக்க நாளில் தங்கம் விலை மேலும் சரிவை சந்தித்தது. நேற்று கிராமுக்கு ரூ.130 குறைந்து கிராம் ரூ.14,070க்கும், பவுனுக்கு ரூ.1,040 குறைந்து பவுன் ரூ.1 லட்சத்து 12,560க்கும் விற்றது. வெள்ளி விலையில் மாற்றம் ஏதுவும் இல்லை. கிராம் ரூ.270க்கும், பார் வெள்ளி ரூ.2.70 லட்சத்துக்கும் விற்றது. தங்கம் விலை தொடர்ந்து குறைந்து வருவது நகை வாங்குவோருக்கு சற்று ஆறுதலை அளித்துள்ளது.