வருசநாடு, மே 19: கடமலை-மயிலை ஒன்றியத்தில் பல ஆயிரம் ஏக்கர் பரப்பளவில் தென்னை விவசாயம் நடைபெற்று வருகிறது. கடந்த சில மாதங்களாக கடமலை மயிலை ஒன்றியத்தில் தொடர்ந்து வெயிலின் தாக்கம் அதிகமாக உள்ளது. இதன் காரணமாக மரங்களில் தேங்காய் உற்பத்தி அதிகரித்து காணப்படுகிறது. உற்பத்தி அதிகரித்ததால் தேங்காய் விலை நாளுக்கு நாள் சரிவை சந்தித்து வருகிறது. தற்போது 1 டன் ரூ.41 ஆயிரத்திற்கும் ஒரு தேங்காய் விலை ரூ.16 முதல் ரூ.18 வரையில் மட்டுமே விற்பனையாகிறது. தொடர்ந்து உற்பத்தி அதிகளவில் காணப்படுவதால் தேங்காய் விலை மேலும் குறையும் நிலை உள்ளது.
