அமமுக வேட்பாளர் மீது வழக்கு

திருப்பத்தூர்: திருப்பத்தூர் சட்டமன்ற தொகுதியில் அதிமுக கூட்டணி சார்பில் அமமுக வேட்பாளராக ஞானசேகரன் போட்டியிடுகிறார். இவர் கலெக்டர் அலுவலகம் அருகே தேர்தலையொட்டி தற்காலிக அலுவலகம் திறந்துள்ளார். அந்த அலுவலகத்தில் வைக்கப்பட்டுள்ள பேனர்கள், விதிகளை மீறி வைக்கப்பட்டுள்ளதாக தேர்தல் பறக்கும்படை அதிகாரிகளுக்கு தகவல் கிடைத்தது. இதுகுறித்து திருப்பத்தூர் டவுன் போலீசில் வேட்பாளர் ஞானசேகரன் மீது பறக்கும்படை அதிகாரிகள் புகார் அளித்தனர். அதன்பேரில் போலீசார் வழக்குப்பதிவு செய்துள்ளனர்.