சென்னை : இந்தியாவின் மொத்த 108 ஆம்புலன்ஸ் மருத்துவ சேவை வாகனங்களில் தமிழ்நாடு 31%-ஐ கொண்டு தேசிய அளவில் முதலிடத்தில் உள்ளது. இதன் மூலம் மருத்துவத் துறையில் தமிழ்நாடு மேலும் ஒரு சாதனை படைத்துள்ளது. கிராமப்புற மற்றும் மலைப் பகுதிகளில் 108 ஆம்புலன்ஸ் மருத்துவ வாகனங்கள் மூலம் மருத்துவச் சேவைகளை கொண்டு சேர்ப்பதில் தமிழ்நாடு முன்னோடி மாநிலமாக திகழ்ந்து வருகிறது. கடந்த 2025-ம் ஆண்டு மார்ச் மாத நிலவரப்படி, தமிழ்நாடு, 108 ஆம்புலன்ஸ் மருத்துவ சேவையில், 435 வாகனங்கள் ஈடுபடுத்தப்பட்டுள்ளது.
அதன்படி இந்தியாவிலேயே அதிக எண்ணிக்கையில், இயக்கப்படும் 108 ஆம்புலன்ஸ் சேவையில், தமிழ்நாடு 31% கொண்டு, தேசிய அளவில் முதலிடத்தில் உள்ளது. பாஜக ஆளும் உத்தரப்பிரதேசத்தில் 170, ராஜஸ்தானில் 183 ஆம்புலன்ஸ் மட்டுமே இயக்கப்படுகின்றன. பாஜக ஆளும் குஜராத்தில் 74, சத்தீஸ்கரில் 30, அரியானாவில் 58 வாகனங்களும் உள்ளன. மேலும் ஆந்திரப் பிரதேசத்தில் 67, ஜார்கண்டில் 49, மேற்கு வங்கத்தில் 49 ஆம்புலன்ஸ் வாகனங்கள் உள்ளன. அசாமில் 36 வாகனங்களும் பஞ்சாப்பில் 33 வாகனங்களும் மராட்டியத்தில் 20 வாகனங்களும் அருணாச்சல பிரதேசத்தில் 18 வாகனங்களும் நாகலாந்தில் 11 வாகனங்களும் இயக்கப்படுகின்றன.
