*வெற்றி பெற்றவர்களுக்கு பரிசு
திருமயம் : திருமயம் அருகே முன்னாள் முதல்வர் பிறந்த நாளை முன்னிட்டு மாட்டு வண்டி எல்கை பந்தயம் நடத்தப்பட்டு வெற்றி பெற்ற மாட்டின் உரிமையாளருக்கு ரொ க்க பரிசு வழங்கப்பட்டது.புதுக்கோட்டை மாவட்டம் திருமயம் ஒன்றிய அதிமுக சார்பில் வி.லட்சுமிபுரத்தில் 6ம்ஆண்டு மாட்டுவண்டி எல்கை பந்தயம் நேற்று நடைபெற்றது. பந்தயமானது பெரிய மாடு, சிறிய மாடு என இரண்டு பிரிவாக நடைபெற்றது.
இதில் பெரிய மாடு பிரிவில் 13 ஜோடி மாட்டு வண்டிகள் கலந்து கொண்டன. முதல் பரிசை விராச்சிலை அதிமுக தெற்கு மாவட்ட செயலாளர் பி.கே.வைரமுத்து, 2ம் பரிசு சொக்கலிங்கம்புதூர் ராமன் சக்தி, 3ம் பரிசு தென்மாபட்டு முத்துக்குமார், 4ம் பரிசு கத்தக்குறிச்சி சூரிய விநாயகம் ஆகியோருக்கு சொந்தமான மாட்டு வண்டிகள் பெற்றன.
இதனைத் தொடர்ந்து நடைபெற்ற சிறிய மாடு பிரிவில் 24 ஜோடி மாடுகள் கலந்து கொண்ட நிலையில் பந்தயமானது இரண்டு பிரிவாக பிரித்து நடத்தப்பட்டது. இதில் முதல் மற்றும் 2வது பிரிவில் தலா 12 ஜோடி மாட்டு வண்டிகள் கலந்து கொண்ட நிலையில் முதல் பரிசை கத்தக்குறிச்சி நாச்சியார், தென்மாபட்டு முத்துக்குமார், 2ம் பரிசு துளையானூர் பாஸ்கரன், கண்டாடிப்பட்டி கூத்தன், 3ம் பரிசு மாவூர் ராமச்சந்திரன், கானாடுகாத்தான் சோலை ஆண்டவர், 4ம் பரிசு பட்டணம் காத்தாயி அம்மன், மாவூர் மோகன் ஆகியோருக்கு சொந்தமான மாட்டு வண்டிகள் பெற்றன.பந்தயத்தில் வெற்றி பெற்ற மாட்டின் உரிமையாளருக்கு ரொக்கப் பரிசு வழங்கப்பட்டது.
பந்தயத்தை ஒன்றிய செயலாளர்கள் மணிகண்டன், பிஎல்ஆர் பழனிவேலு, முன்னாள் மாவட்ட கவுன்சிலர் குழிபிறை பாண்டியன், தொழிலதிபர் பிகேவி குமாரசாமி ஆகியோர் கொடியசைத்து தொடங்கி வைத்தனர்.பந்தயம் நடைபெற்ற வி.லட்சுமிபுரம் – திருமயம் சாலையின் இருபுறமும் திரளான ரசிகர்கள் வந்திருந்து பந்தயத்தை கண்டு ரசித்தனர்.
