பல்லேகெலே: உலகக் கோப்பை டி20 குரூப் 2ல் சூப்பர் 8 சுற்றுப் போட்டி பல்லேகெலே நகரில் நேற்று நடந்தது. அதில் இங்கிலாந்து – இலங்கை அணிகள் மோதின. முதலில் ஆடிய இங்கிலாந்தின் துவக்க வீரர்களாக பில் சால்ட், ஜாஸ் பட்லர் களமிறங்கினர். பட்லர் 7 ரன்னில் அவுட்டானார். பில் சால்ட் சிறப்பாக ஆடி 40 பந்துகளில் 62 ரன் எடுத்தார். 20 ஓவரில் இங்கிலாந்து, 9 விக் இழப்புக்கு 146 ரன் எடுத்தது. பின், 147 ரன் இலக்குடன் இலங்கை களமிறங்கியது.

பேட்டிங்கில் சொதப்பிய இங்கிலாந்து அணி, பந்து வீச்சில் அதகளப்படுத்தி இலங்கையை திணறடித்தது. 16.4 ஓவரில் இலங்கை 95 ரன்னுக்கு சுருண்டது. அதனால், 51 ரன் வித்தியாசத்தில் இங்கிலாந்து மகத்தான வெற்றியை பதிவு செய்தது. இங்கிலாந்து தரப்பில் 3 விக்கெட் வீழ்த்திய வில் ஜாக்ஸ் ஆட்டநாயகனாக தேர்ந்தெடுக்கப்பட்டார்.