கிருஷ்ணகிரி, பிப்.18: கிருஷ்ணகிரி மாவட்டம் பர்கூர் சட்டமன்ற தொகுதியில் ரூ.80.37 லட்சம் மதிப்பிலான திட்டப்பணிகளை மதியழகன் எம்எல்ஏ., துவக்கி வைத்தார். கிருஷ்ணகிரி கிழக்கு மாவட்டம் பர்கூர் மத்திய ஒன்றியம் கந்திகுப்பம் ஊராட்சி, அம்பேத்கர் நகர் பகுதியில் ரூ.31.25 லட்சத்தில் சமுதாயகூடம், ரூ.15.84 லட்சத்தில் மேல்நிலை நீர்த்தேக்கதொட்டி, ரூ.4.40 லட்சத்தில் வெயிட்டிங் செட், ரூ.4.13 லட்சத்தில் தார் சாலை, ரூ.6.58 லட்சத்தில் பள்ளி சுற்றுச்சுவர், ரூ.2.93 லட்சத்தில் சிமெண்ட் சாலை, ரூ.7.18 லட்சத்தில் கழிவுநீர் கால்வாய் என மொத்த ரூ.80.37 லட்சத்தில் நடைபெறவுள்ள திட்டப்பணிகளுக்கு கிருஷ்ணகிரி கிழக்கு மாவட்ட செயலாளர் மதியழகன் எம்எல்ஏ., பூமி பூஜை செய்து தொடங்கி வைத்து, அனைவருக்கும் இனிப்பு வழங்கினார். நிகழ்ச்சியில் ஒன்றிய செயலாளர்கள் காந்தி, ராஜேந்திரன், கவுன்சிலர்கள், அனைத்து அணிகளின் அமைப்பாளர்கள், துணை அமைப்பாளர்கள், முன்னாள் ஊராட்சி மன்ற தலைவர்கள், துணை தலைவர்கள், கிளை செயலாளர்கள், கழக நிர்வாகிகள், மூத்த முன்னோடிகள் உள்ளிட்ட பலர் கலந்துகொண்டனர்.