சென்னை: தங்கம் விலை நேற்று முன்தினம் கிராமுக்கு ரூ.80 உயர்ந்து ஒரு கிராம் ரூ.11,800க்கும், பவுனுக்கு ரூ.640 உயர்ந்து, ஒரு பவுன் ரூ.94,400க்கு விற்பனையானது. வெள்ளியும் கிராமுக்கு ரூ.2 உயர்ந்து, ஒரு கிராம் ரூ.176க்கும். கிலோவுக்கு ரூ.2 ஆயிரம் உயர்ந்து, பார் வெள்ளி ரூ.1 லட்சத்து 76 ஆயிரத்துக்கும் விற்றது. இது நகை வாங்குவோருக்கு கடும் அதிர்ச்சியை ஏற்படுத்தியது. இந்நிலையில், நேற்று தங்கம் விலையில் திடீர் மாற்றம் காணப்பட்டது. அதாவது, நேற்று தங்கம் விலை கிராமுக்கு ரூ.30 குறைந்து ஒரு கிராம் ரூ.11,770க்கும், பவுனுக்கு ரூ.240 குறைந்து, ஒரு பவுன் ரூ.94,160க்கும் விற்றது. வெள்ளி விலையை பொறுத்தவரையில் நேற்று கிராமுக்கு ரூ.4 உயர்ந்து, ஒரு கிராம் ரூ.180க்கும், கிலோவுக்கு 4 ஆயிரம் உயர்ந்து, பார் வெள்ளி 1 லட்சத்து 80 ஆயிரத்துக்கும் விற்றது.