சென்னை: மோசமான வானிலையால் ஐதராபாத்தில் தரையிறங்க வேண்டிய இண்டிகோ விமானம் சென்னையில் தரையிறங்கியது. 174 பயணிகளுடன் தமாமிலிருந்து ஹைதராபாத் வந்த விமானம் மோசமான வானிலையால் தரை இறங்கவில்லை. காலை 8 மணி அளவில், விமானம் ஹைதராபாத்தில் தரையிறங்க முயன்ற போது, அங்கு மோசமான வானிலை நிலவியது.
உடனடியாக ஹைதராபாத் விமான நிலைய கட்டுப்பாட்டு அதிகாரிகள், அந்த விமானத்தை, சென்னைக்கு திருப்பி அனுப்பினர். 174 பயணிகளுடன், காலை 8.50 மணி அளவில், சென்னை விமான நிலையத்தில் விமானம் தரை இறங்கியது. ஹைதராபாத்தில் வானிலை சீரான பிறகு சென்னையில் இருந்து விமானம் புறப்படும் என தகவல் தெரிவிக்கப்பட்டுள்ளது.
The post மோசமான வானிலையால் ஐதராபாத்தில் தரையிறங்க வேண்டிய இண்டிகோ விமானம் சென்னையில் தரையிறங்கியது..!! appeared first on Dinakaran.
