தேவதானப்பட்டி, டிச.5: தேவதானப்பட்டி காட்ரோடு போலீஸ் செக்போஸ்டில் கடந்த இரண்டு நாட்களுக்கு முன் நடந்த வாகன சோதனையில், திண்டுக்கல்லில் இருந்து கேரளாவுக்கு காரில் கடத்திச் செல்லப்பட்ட 26.5 கிலோ கஞ்சா சிக்கியது. இது தொடர்பாக கேரளாவைச் சேர்ந்த சஜூ, சோனி ஆகிய 2 பேரை போலீசார் கைது செய்து, கடத்தலுக்கு பயன்படுத்திய காரையும் பறிமுதல் செய்தனர்.
மேலும் இது தொடர்பாக தேவதானப்பட்டி போலீசார் நடத்திய விசாரணையில், ஒடிசா மாநிலத்தைச் சேர்ந்த சூரஜ் என்பவரிடமிருந்து வாங்கி கொண்டு, கேரள மாநிலம் கொல்லத்தைச் சேர்ந்த ராஜேஷ் என்பவர் மூலமாக விற்பனை செய்வதற்காக கொண்டு சென்றது தெரிய வந்தது. இதனையடுத்து தேவதானப்பட்டி போலீசார் தனிப்படை அமைத்து இருவரையும் பிடிக்க ஒடிசா மற்றும் கேரள மாநிலம் கொல்லத்திற்கு விரைந்துள்ளனர்.
The post தேவதானப்பட்டி அருகே கஞ்சா பறிமுதல் செய்யப்பட்ட வழக்கில் தனிப்படை அமைப்பு appeared first on Dinakaran.
