தா.பழூர், மார்ச் 16:அரியலூர் மாவட்டம் ஜெயங்கொண்டம் சட்டமன்ற தொகுதி, தா.பழூர் ஒன்றியம், நீர்வளத்துறை சார்பில், சோழன்மாதேவி பொன்னாறு 4-வது புதிய பிரதான வாய்க்காலை, ரூ.15 லட்சம் மதிப்பீட்டில் தூர்வாரும் பணி மற்றும் சோழன்மாதேவி பொன்னாறு 4-வதுகிளை வாய்க்காலை, ரூ.3.50 லட்சம் மதிப்பீட்டில் தூர்வாருதல் ஆகியவற்றை ஜெயங்கொண்டம் சட்டமன்ற உறுப்பினர் க.சொ.க.கண்ணன் துவக்கி வைத்தார். இந்நிகழ்வில் நீர்வளத்துறை உதவி பொறியாளர் நாவலடியன், திமுக ஒன்றிய அவைத்தலைவர் சூசைராஜ் மற்றும் கழக நிர்வாகிகள் கலந்துகொண்டனர்.
