ராமநாதபுரம்: தமிழக பாஜ தலைவர்கள், நிர்வாகிகளின் வீடுகள், உடமைகள் மீது பெட்ரோல் குண்டுவீச்சு தொடர்பாக தமிழக அரசிடம் அறிக்கை கேட்டுள்ளோம். அதன்படி, நடவடிக்கை எடுக்கப்படும் என ஒன்றிய அமைச்சர் பானு பிரசாத் சிங் வர்மா கூறினார். ராமநாதபுரம் மாவட்ட பாஜ ஓபிசி அணி செயற்குழு கூட்டம் நேற்று நடந்தது. இதில், ஒன்றிய சிறு, குறு, நடுத்தர தொழில்துறை இணை அமைச்சர் பானு பிரசாத் சிங் வர்மா கலந்து கொண்டார். பின்னர் அவர் கூறுகையில், ‘‘தமிழக வளர்ச்சிக்கு ஒன்றிய அரசு எப்போதும் துணை நிற்கும்.