சென்னை: நடிகை மோனிஷா, சின்னத்திரை தொடர்களில் நடித்திருக்கிறார். சில காலம் நடிப்பிலிருந்து விலகி இருந்த இவர், தனது இன்ஸ்டாகிராம் பக்கத்தில் ஹோம் டூர், வீட்டில் காய்கறி வளர்ப்பது உள்ளிட்ட விஷயங்களில் ஈடுபாடு காட்டி வந்தார். தற்போது தனது வாழ்க்கையில் நடந்த துயரமான சம்பவம் குறித்து அவர் மனம் திறந்து பேசியுள்ளார். இதைக் கேட்டு ரசிகர்கள் அதிர்ச்சி அடைந்துள்ளனர்.
‘‘எனது கணவர் என்னை சித்ரவதை செய்து வந்தார். கணவருடன் நெருக்கமாக இருந்த புகைப்படங்கள், நான் உடை மாற்றும்போது எடுத்த வீடியோக்கள் உள்பட பல அந்தரங்க புகைப்படங்களை எனது கணவர் தனது நண்பர்களுக்கு அனுப்பி வைத்துவிட்டார். இதனால் சொல்ல முடியாத துயரத்துக்கு நான் ஆளானேன். அவரை விட்டு பிரிந்துவிட்டேன். ஆனால் அவரது நண்பர்கள் என்னை பார்க்கும்போது, அந்த போட்டோக்களை பார்த்ததாக சொல்கிறார்கள். இதை கேட்கும்போது எனது மனம் வலிக்கிறது. இப்போது நான் தூங்கும்போதுகூட எனது டிரஸ் விலகி இருக்கிறதா, யாராவது என்னை போட்டோ எடுப்பார்களோ என பயந்துகொண்டே இருக்கிறேன். அந்த அளவுக்கு மனஅழுத்தத்தால் பாதிக்கப்பட்டுள்ளேன்’’ என்றார்.
