மேற்கு வங்கத்தில் உள்ள பாரக்பூரில் பிறந்தவர் தான் நடிகை மோக்ஷா. வங்காள மொழியில் 2019ம் ஆண்டு வெளியான ‘ஃபில்ட காபி லிக்வர் சா’ படத்தில் துணை நடிகையாக நடித்து அறிமுகமானார். அதன் பின்னர் சுவிட்சர்லாந்து படத்திலும் நடித்தார். 2020ல் வெளியான ‘கர்மா’ எனும் பெங்காலி படத்தில் தான் ஹீரோயினாக ஆனார். 2022ல் தெலுங்கில் வெளியான ‘லக்கி லக்ஷ்மன்’ படத்தின் மூலம் தென்னிந்திய பக்கம் வந்த இவர், டோலிவுட்டில் பல படங்களில் நடித்து வந்தார். கடைசியாக தமிழில் தற்போது ‘கட்டா குஸ்தி 2’வில் செகண்ட் ஹீரோயினாகவே நடித்துள்ளார்.
விஷ்ணு விஷால் மற்றும் ஐஸ்வர்யா லட்சுமி இருவரும் இணைந்து நடித்த ‘கட்டா குஸ்தி’ படம் ஹிட் ஆன நிலையில், பார்ட் 2வில் இன்னொரு ஹீரோயின் இருந்தால் நல்லா இருக்குமே என மீனு டீச்சர் கதாபாத்திரத்தில் மோக்ஷாவை, இயக்குனர் செல்லா அய்யாவு நடிக்க வைத்துள்ளார். ‘கில்லி’ படத்தில் இடம்பெற்ற ‘அப்படிப்போடு’ பாடலுக்கு படத்தில் 2 முறை டான்ஸ் ஆடி ரசிகர்களை ஒட்டுமொத்தமாக கவர்ந்து விட்டார் மீனு டீச்சர். படத்தில் இவரது கூந்தல் நீளம் என காட்சி இருப்பதை பார்த்து நிஜமாகவே அவர் தலைமுடி நீளம் என நினைத்த ரசிகர்கள், சக்சஸ் மீட்டில் மீனு டீச்சரை ஷார்ட் ஹேரில் பார்த்து ஷாக்காகியுள்ளனர்.
