* நான் நடிகராக பிசியாக இருந்தாலும் படம் இயக்குவதை கைவிடவில்லை. மிகப்பெரிய ஹிட்டான ‘காந்தாரா’ பிரான்ஸைசின் அடுத்த பாகமான ‘காந்தாரா: சாப்டர் 2’ படத்திற்கான கதையை உருவாக்குவதில் எனது எழுத்தாளர்கள் குழுவுடன் இணைந்து தீவிரமாக ஈடுபட்டுள்ளேன். இயக்குனராக பணியாற்றும் போதுதான் எனக்கு மன அமைதியும், மகிழ்ச்சியும் கிடைக்கிறது’ என்று நடிகரும் இயக்குனருமான ரிஷப் ஷெட்டி தெரிவித்துள்ளார்.
* கடந்த 2023ம் ஆண்டு மடோன் அஸ்வின் இயக்கத்தில் சிவகார்த்திகேயன், அதிதி சங்கர் நடிப்பில் வெளியான ‘மாவீரன்’ படத்தின் 2ம் பாகத்தில் நடிக்க சிவகார்த்திகேயன் ஆர்வம் காட்டி வருவதாக தகவல் வெளியாகியுள்ளது. அதற்கான கதை எழுதும் பணி தொடங்கி விட்டாலும் 2028ம் ஆண்டு தான் படப்பிடிப்பு தொடங்கும் என்று சொல்லப்படுகிறது.
* 75 வயது மூதாட்டியாக ராதிகா நடித்து வெளியான ‘தாய் கிழவி’ படத்தின் 100வது நாளையொட்டி அப்படத்தின் தயாரிப்பாளர் சிவகார்த்திகேயன் இயக்குனர் சிவகுமார் முருகேசனுக்கு கார் பரிசளித்தார்.
* ஹனு ராகவப்புடி இயக்கத்தில் பிரபாஸ் நடிப்பில் உருவாகி வரும் ‘ஃபெளஜி’ என்ற படத்தின் படப்பிடிப்பில் நடிகர் ராஜேஷ் சர்மாவை ஒரு வினோத பூச்சி கடித்துள்ளது. பூச்சி கடித்த சில மணி நேரத்தில் அந்த நடிகரின் உடல்நிலை மோசமானதால், உடனடியாக படப்பிடிப்பு நிறுத்தப்பட்டு அவர் மருத்துவமனைக்கு அழைத்து செல்லப்பட்டார். தற்போது அவர் உடல் நலம் தேறி வருகிறார்.
* ராஜ்குமார் பெரியசாமி இயக்கத்தில் தனுஷ், மம்மூட்டி, சாய் பல்லவி, ஸ்ரீலீலா உள்பட பலரது நடிப்பில் உருவாகி வரும் ‘ஓம்’ படத்தில் மூத்த இந்தி நடிகர் நசீருத்தீன் ஷா இணைந்துள்ளார். முன்னதாக கமல்ஹாசனின் ‘ஹே ராம்’ படத்தில் காந்தியாக நடித்த நசீருத்தீன் ஷா 26 ஆண்டுகளுக்கு பிறகு மீண்டும் தமிழில் நடிக்கிறார்.
* மலையாள நடிகை கிரேஸ் ஆண்டனி தற்போது உடல் எடையை அதிகளவில் குறைத்து அடையாளம் தெரியாமல் மாறி இருக்கிறார். உடல் எடை குறைப்பதற்கு முன், பின் என ஒப்பிட்டு அவர் வெளியிட்டுள்ள போட்டோ சோஷியல் மீடியாவில் கவனத்தை பெற்றுள்ளது.
* நிதிஷ் திவாரி இயக்கத்தில் ரூ.4 ஆயிரம் கோடி பட்ஜெட்டில் பான் வேர்ல்ட் படமாக உருவாகி வரும் ‘ராமாயணா’ முதல் பாகம் இந்த ஆண்டு தீபாவளி அன்று திரைக்கு வருகிறது. இப்படத்தின் டிரைலர் வரும் 18ம் தேதி டெல்லியில் வெளியாகிறது. ரன்பீர் கபூர் ராமராகவும் சாய் பல்லவி சீதையாகவும் நடிக்கிறார்கள்.
* சோஷியல் மீடியா மூலம் பரிட்சயமான வில்லுப்பாட்டு மாதவி ‘வேட்ட சாமி’ என்ற படத்தின் மூலம் திரையுலகில் பின்னணி பாடகியாக அறிமுகமாகிறார். அருள்நிதி, அமீர் இணைந்து நடிக்கும் இப்படத்தில் ஜிப்ரான் இசையில் ‘சுடலைமாடன் வேட்டை’ என்ற நாட்டுப்புறப் பாடலை மாதவி பாடியுள்ளார்.
