ஒரே நேரத்தில் கன்னடத்திலும், ஆங்கிலத்திலும் உருவாக்கப்பட்டு, ரிலீஸ் நேரத்தில் மற்ற மொழிகளில் டப்பிங் செய்து வெளியிடப்படும் படம், ‘டாக்ஸிக்: தி பைரி டேல் ஃபார் குரோன்-அப்ஸ்’. இதில் யஷ், கியாரா அத்வானி, நயன்தாரா, ருக்மிணி வசந்த், தாரா சுதாரியா, ஹுமா குரேஷி நடிக்கின்றனர். மலையாள நடிகை கீது மோகன்தாஸ் எழுதி இயக்கியுள்ளார். இந்நிலையில் கியாரா அத்வானி அளித்துள்ள பேட்டியில், ‘நான் எப்போது படப்பிடிப்பு தளத்துக்கு வந்தாலும், அங்கு இருப்பவர்களிடம் ‘ஹாய்’, ‘ஹலோ’, ‘குட் மார்னிங்’ என்று சொல்வது வழக்கம்.
இதை பார்த்துவிட்ட கீது மோகன்தாஸ், ஒருநாள் திடீரென்று என்னை அழைத்து, ‘ஹாய், ஹலோ, குட் மார்னிங் என்று, இனிமேல் யாருக்கும் நீங்கள் சொல்ல வேண்டாம். படப்பிடிப்பு தளத்துக்கு வந்தவுடன், நேராக உங்கள் கதாபாத்திர மனநிலைக்கு சென்றுவிடுங்கள். அப்போதுதான் ஸ்கிரீனில் அது யதார்த்தமாக இருக்கும்’ என்று சொன்னார். நான் ஏற்றுள்ள கதாபாத்திரத்துக்கான தன்மையும், தீவிரமும் கேமரா முன்பு குறையாமல் இருப்பதற்காகவே அவர் இப்படி சொல்லியிருக்கிறார் என்பதை பிறகு நான் புரிந்துகொண்டேன். அதுவரை கீது மோகன்தாஸ் மீது எனக்கு இருந்த கோபம் குறைந்துவிட்டது’ என்றார்.
