ஹீரோயினாக நடிக்கும் ‘மிஸ் சவுத் இந்தியா’

அசோக்குமார் கலைவாணி இயக்கத்தில் சுதர்சன் கோவிந்த் ஹீரோவாகவும், ‘மிஸ் சவுத் இந்தியா’ பட்டம் பெற்ற அர்ச்சனா ரவி ஹீரோயினாகவும் நடித்துள்ள படம், ‘நீ ஃபாரெவர்’. முக்கிய வேடங்களில் ஒய்.ஜி.மகேந்திரன், நிழல்கள் ரவி, எம்.ஜே.ராம், ரித்திகா சீனிவாஸ், செல்லா, பிருந்தா நடித்துள்ளனர். ஜென் ஸீ இளைஞர்களின் உறவுச்சிக்கல்கள் குறித்து பேசும் வகையில் படம் உருவாகியுள்ளது. ஜென் ஸ்டுடியோஸ் சார்பில் புகழ், ஈடன் இணைந்து தயாரித்துள்ளனர்.

ராஜா பட்டாச்சார்ஜி ஒளிப்பதிவு செய்ய, அஸ்வின் ஹேமந்த் இசை அமைத்துள்ளார். எஸ்.ஏ.நாகார்ஜூன் எடிட்டிங் செய்துள்ளார். சென்னை, பொள்ளாச்சி ஆகிய பகுதிகளில் 27 நாட்களில் படப்பிடிப்பு நடந்துள்ளது. வரும் 27ம் தேதி படம் திரைக்கு வருகிறது. டேட்டிங் செயலி மூலம் இன்றைய இளைய தலைமுறை மற்றும் முதிய தலைமுறைக்கு இடையே ஏற்படும் பிரச்னைகளை அலசும் கதை இது.