அஜித்துக்கு ரூ.30 லட்சம் கார் பரிசு

சென்னை: சினிமா மற்றும் கார் ரேஸ் என இரண்டிலும் கவனம் செலுத்தி வரும் அஜித்குமார் அடுத்ததாக ஆதிக் ரவிசந்திரன் இயக்கும் படத்தில் நடிக்க உள்ளார். இதன் படப்பிடிப்பு இம்மாத இறுதியில் தொடங்குகிறது. துபாயில் நடந்த கார் ரேஸில் கலந்துகொண்ட அவர் சமீபத்தில் இந்தியா திரும்பினார். இந்நிலையில் அஜித்குமாரின் ரேஸிங் ஆர்வத்தை ஊக்குவிக்கும் வகையில் மகிந்திரா நிறுவனம் அவருக்கு ரூ.30 லட்சம் மதிப்புள்ள மகிந்திரா பிஇ 6 கார் ஒன்றை பரிசளித்துள்ளது. உலகின் முதல் ஃபார்முலா ஈ தீம் எஸ்யூவி காரான அதை மகிந்திரா குழுமத்தின் வாகன தொழில் பிரிவு தலைவர் ஆர்.வேலுசாமி அஜித்குமாருக்கு வழங்கினார்.