மும்பை: இந்தி பட உலகின் முன்னணி நடிகைகளில் ஒருவர் ஊர்வசி ரவுட்டேலா. அவர் தமிழில் ‘தி லெஜெண்ட்’ என்ற படத்தில் ஹீரோயினாக நடித்திருந்தார். கடந்த 25ம் தேதி தனது 32வது பிறந்தநாளை கொண்டாடிய அவர் 251 ஏழை பெண்களின் திருமணத்திற்கு தேவையான நிதியுதவி அளித்தது பலரது கவனத்தை ஈர்த்தது. இந்நிலையில், தனது பிறந்தநாளில் உலகிலேயே விலைமதிப்புள்ள கேக் ஒன்றை ஊர்வசி ரவுட்டேலா வெட்டியது ஆச்சரியத்தை ஏற்படுத்தியுள்ளது. 7 அடுக்குகளை கொண்ட அந்த கேக்கில் வைரங்கள் பதிக்கப்பட்டு இருந்தது. அதன் விலை சுமார் 16 கோடி என தகவல் வெளியாகியுள்ளது.

அந்த கேக் வெட்டும் வீடியோவும், போட்டோவும் இணையத்தில் வைரலாகி வருகிறது. அதை பார்த்த நெட்டிசன்கள் கேக்கின் விலையே இவ்வளவு என்றால் அந்த பிறந்தநாள் கொண்டாட்டத்தின் மொத்த செலவு என்னவாக இருக்கும் என்று பதிவிட்டு வருகின்றனர். அந்த கேக்கை அவரே சொந்தமாக வாங்கி வெட்டினாரா அல்லது வேறு யாரேனும் அன்பளிப்பாக தந்தார்களா என நெட்டிசன்கள் கேட்டு வருகின்றனர். தற்போது இந்தியாவில் அதிக சம்பளம் வாங்கும் நடிகைகளில் ஒருவராக இருக்கும் ஊர்வசி ரவுட்டேலா ரூ.16 கோடிக்கு கேக் வெட்டியது, அவரது ரசிகர்கள் மத்தியில் ஆச்சரியத்தை ஏற்படுத்தியுள்ளது.