மலையாளத்தில் அகில் சத்யன் இயக்கத்தில் நிவின் பாலி, அஜூ வர்கீஸ், ரியா ஷிபு நடிப்பில் கடந்த ஆண்டு இறுதியில் வெளியான படம், `சர்வம் மாயா’. தியேட்டரிலும், ஓடிடியிலும் ரசிகர்கள் மத்தியில் பலத்த வரவேற்பு பெற்ற இப்படத்தில், பிரபேந்து கதாபாத்திரத்தில் நடித்திருந்த நிவின் பாலிக்கு நட்சத்திர தம்பதி சூர்யா, ஜோதிகா வாழ்த்து தெரிவித்து பரிசு பொருட்களை அனுப்பியுள்ளனர். அந்த வாழ்த்து குறிப்பில், ‘உங்களின் ‘சர்வம் மாயா’ படத்தின் வெற்றிக்கு மனமார்ந்த வாழ்த்துகள். உங்கள் நடிப்பு மிகவும் தனித்துவமாக இருந்தது.

மிக நேர்த்தியாகவும், இயல்பாகவும், பார்ப்பவர்களை கட்டிப்போடும் வகையிலும் அமைந்திருந்தது. இப்படத்துக்கு மக்கள் அளித்திருக்கும் அன்பை காண்பதில் அதிக மகிழ்ச்சி அடைகிறேன். இதுபோல் இன்னும் பல மறக்க முடியாத கதாபாத்திரங்களில் நடித்து, ெவற்றிக்கான மைல் கற்களை அடைய வாழ்த்துகிறேன்’ என்று பதிவிட்டுள்ளார். அவருக்கு நிவின் பாலி நன்றி தெரிவித்துள்ளார். இதற்கு முன்பு, ’சர்வம் மாயா’ படத்தில் சிறப்பாக நடித்திருந்த ரியா ஷிபுவுக்கு சூர்யா, ஜோதிகா இருவரும் வாழ்த்து செய்தி அனுப்பி பாராட்டி இருந்தனர்.