ஐதராபாத்: அனுஷ்கா ஷெட்டி, இயக்குனர் கிரிஷ் ஜகர்லமுடி இணையும் புதிய படம் காட்டி. வேதம் படத்துக்கு பிறகு இருவரும் இதில் இணைகிறார்கள். பான் இந்தியா படமாக இது உருவாகிறது. யுவி கிரியேஷன்ஸ் வழங்கும், ஃபர்ஸ்ட் பிரேம் என்டர்டெயின்மென்ட்டின் இப்பட ஃபர்ஸ்ட் லுக் வெளியிடப்பட்டது. ராஜீவ் ரெட்டி மற்றும் சாய் பாபு ஜகர்லமுடி ஆகியோர் இணைந்து தயாரிக்கின்றனர்.

இது ஆக்‌ஷன் திரில்லராக உருவாகிறது. கிரிஷ், அனுஷ்காவை முன்னெப்போதும் இல்லாத வகையில் அதிரடி ஆக்சன் நாயகியாக வழங்கவுள்ளார். மனோஜ் ரெட்டி கடசானி ஒளிப்பதிவு செய்ய, நாகவெல்லி வித்யா சாகர் இசையமைக்கிறார். படத்திற்கு தோட்டா தரணி கலை இயக்குனராகவும், சாணக்யா ரெட்டி தூறுப்பு படத்தொகுப்பாளராகவும் பணியாற்றுகிறார்கள்.